Tadbirning ochilish marosimida talaba yoshlar va professor o‘qituvchilar ishtirok etdi.

Unda universitet rektori talaba yoshlar o‘rtasida milliy xalq o‘yinlari va sport turlarini ommalashtirish, Besh muhim tashabbus loyihalari, festivallar va boshqa madaniy-ma’rifiy tadbirlar ularning bo‘sh vaqtlarini mazmunli o‘tkazishida yordam berishini ta’kidladi.

Ayni paytda «Besh tashabbus olimpiadasi» va “Talabalar ligasi” doirasida oliygohdagi Jismoniy madaniyat fakulteti talabalari futbol, mini-futbol, voleybol, yengil atletika, shaxmat-shashka, stol tennisi, kabi sport turlari bo‘yicha kuch va mahoratini sinovdan o‘tkazmoqda. Tadbirning ochilish marosimida oliygoh sportchilari tomonidan ko‘rgazmali chiqishlari, iqtidorli talabalarning kuy-qo‘shiqlari yanada ko‘tarinkilik bag‘ishladi.

«Besh tashabbus olimpiadasi» 12 sentyabrdan — 23 sentyabrga qadar o‘tkaziladi. Olimpiada doirasida talabalar madaniyat, san’at, sport, kitobxonlik, IT yo‘nalishlari bo‘yicha tanlov va musobaqada ishtirok etishadi.