Jizzax davlat pedagogika universiteti talabalari 2026-yil aprel oyida o‘tkazilgan xalqaro va respublika sport musobaqalarida muvaffaqiyatli ishtirok etib, qator yutuqlarga erishdi.
Xususan, o‘zbek jang san’ati bo‘yicha Osiyo chempionatida Nuraliyeva Shohista, aralash jang san’ati hamda Penchak Silat bo‘yicha O‘zbekiston chempionatlarida Xandamova Mahfuza va Bobobekov Jasurbek faxrli 1-o‘rinni egalladi.
Shuningdek, voleybol bo‘yicha Markaziy Osiyo chempionatida Hakimov Bilolbek 2-o‘rin, Murodjonov Mahmudjon 3-o‘rinni qo‘lga kiritdi.
“ROS ATOM” xalqaro sport festivalida universitetning basketbol jamoasi kumush medalga sazovor bo‘ldi. Akademik eshkak eshish bo‘yicha Osiyo kubogida esa Jo‘raqulov Muhammadali bronza medalni qo‘lga kiritdi.
