Jizzax davlat pedagogika universitetining bir guruh iqtidorli talabalari Turkiya Respublikasining Konya shahrida joylashgan nufuzli Necmettin Erbakan Universitetida tashkil etilgan “Silk Road and Beyond – 2026” xalqaro dasturida muvaffaqiyatli ishtirok etishdi.
Mazkur dastur doirasida talabalar bilim va amaliy ko‘nikmalarini rivojlantirishga qaratilgan nazariy va amaliy mashg‘ulotlarda qatnashib, xorijiy ta’lim tizimi, zamonaviy pedagogik yondashuvlar va innovatsion o‘quv jarayonlari bilan yaqindan tanishdilar.
Dastur yakunida barcha ishtirokchi talabalarga sertifikatlar topshirildi. Ushbu sertifikatlar talabalarning xalqaro miqyosdagi o‘quv dasturida muvaffaqiyatli ishtirok etganini tasdiqlovchi muhim hujjat sifatida e’tirof etildi.
Shuningdek, yakuniy marosimda Jizzax davlat pedagogika universiteti talabalari o‘z nutqlari bilan dastur faoliyatiga muvaffaqiyat tilashdi.
