Jizzax davlat pedagogika universiteti hududida yana bir yangi bino qurilib, talabalar ixtiyoriga topshirildi.

Universitet rahbariyatining sa’y-harakati bilan qisqa fursatlar ichida bunyod etilgan 100 o‘rinli oshxona byudjetdan tashqari mablag‘lari evaziga qad rostladi. Shu munosabat bilan bugun tashkil etilgan ochilish marosimida so‘z olganlar zamonaviy jihozlar bilan ta’minlangan mazkur shinam oshxona talabalar ehtiyojini to‘liq qondirishini e’tirof etishdi.

Ijara markazi orqali tadbirkorga, uzoq muddatli ijaraga berilgan oshxona, oziq-ovqatlarni saqlash va ularga ishlov berish, taom tayyorlash, idish tovoqlarni yuvish va saqlash joylariga ega. Shuningdek,  sanitar-gigiyenik talablarga qat’iy rioya etilishi ustidan nazorat tizimi o‘rnatilgan.