Yig‘ilishda ota-onalarga oliygohda o‘rnatilgan ichki-tartib qoidalar va Odob-axloq kodeksi haqida ma’lumotlar berilib, mazkur me’yoriy qoidalarga talabalarning muntazam ravishda rioya qilishlari tobora dolzarblik kasb etib borayotgani qayd etildi.

Undan tashqari talabalarning ota-onalariga talabalar uchun davlat grantini taqsimlash tartibi o‘zgargani, endilikda OTMlarda davlat granti butun o‘qish davri uchun bir talabaga berilmay, har yili yuqori baholar olgan talabalar orasida qayta taqsimlanishi, Grantga kirgan talaba keyingi o‘quv yilida ham grant uchun kurashishi kerakligi aytib oʻtildi.

Grant uchun tanlovda GPA 3,5 dan baland bo‘lgan istalgan talaba qatnashishi mumkinligi, bunda nafaqat o‘zlashtirish ko‘rsatkichiga qaraladi, balki ijtimoiy faollik ham inobatga olinishi ota-onalarga batafsil tushuntirildi. Ota-onalar oʻzlarini qiziqtirgan savollariga javoblar olishdi