Har bir bayram bolalar bilan go‘zal. Ayniqsa, ular yangi yil bayramlarini sabrsizlik bilan kutmoqdalar, bu ularga pok orzu-umidlar, muhabbat va g‘amxo‘rlik, shuningdek, yangi ufqlar olib keladi.

Yangi yil arafasida mamlakat bo‘ylab ko‘tarinki kayfiyatda turli tadbirlar o‘tkazilmoqda. Bu bayramlar, ayniqsa, bolalarga alohida zavq bag‘ishlaydi.

Bugun universitet rahbariyati va kasaba uyushmasi qo‘mitasi tomonidan universitetda faoliyat yuritayotgan bir guruh xodimlar, professor-o‘qituvchilar hamda ularning farzandlariga bayram sovg‘alari topshirildi.

Universitet rektori va boshqa mutasaddilar ishtirokida o‘tkazilgan hayajonli tadbir archa atrofida yig‘ilgan bolalar va ularning ota-onalariga ko‘tarinki kayfiyat bag‘ishladi. Bolalar bunday e’tibordan juda xursand bo‘lishdi va o‘z minnatdorchiligini bildirishdi.