Jizzax davlat pedagogika universiteti Filologiya fakulteti Ingliz tili nazariyasi va metodikasi kafedrasi katta o‘qituvchisi Uzoqova Shahnoza Soibnazarovna Avstraliyaning yetakchi oliy ta’lim muassasalaridan biri — Charlz Darvin universitetida o‘tkazilgan “Language and the Interface of Mono-/Multi-/Translingual Mindsets” nomli xalqaro konferensiyada faol ishtirok etdi.
Mazkur nufuzli ilmiy anjuman zamonaviy tilshunoslik yo‘nalishlari, ko‘ptillilik tafakkuri, til o‘rganishning yangi metodologik yondashuvlari bo‘yicha xalqaro tajribalar almashuviga qaratilgan bo‘lib, dunyoning turli mamlakatlaridan taniqli olimlar va amaliyotchi mutaxassislarni bir maydonga jamladi.
Shahnoza Soibnazarovna konferensiyada o‘zining ilmiy izlanishlariga asoslangan ma’ruza bilan qatnashib, til o‘rganuvchilarning monolingval va multilingval fikrlash jarayonlariga oid dolzarb masalalarni yoritdi. Uning tadqiqotlari xalqaro ekspertlar tomonidan yuqori baholandi.
Mazkur ishtirok o‘qituvchining shaxsiy yutug‘i bo‘lish bilan birga, O‘zbekistonda ingliz tilini o‘qitish metodikasini rivojlantirishga ham muhim hissa qo‘shadi.
