Jizzax davlat pedagogika universiteti jamoasi haftaning har shanba va yakshanba kunlarini faol va maroqli sayru sayohatlarda o‘tkazishmoqda.

Bu galgi sayohat ham yorqin taassurotlarga boy bo‘ldi. 20 kishiga yaqin jamoa a’zolari Zomin tog‘laridagi qorli manzaralardan bahramand bo‘lishdi.

Oppoq qorlar, osma ko‘prik va ziplayn dam oluvchi xodimlarimizga o‘zgacha his‑tuyg‘ularni hadya etdi. Qo‘rqmas va jasur xotin‑qizlarimiz dor yo‘lidan o‘tib, ziplaynda uchishdi.

Qizig‘i, Jizzaxda qor ko‘rinmaydi, lekin sayyohlarimiz Zominda qorbobo ham yasashdi!

Universitet rektori Maqsudjon Abdullayevichning tashabbusi bilan tashkil etilgan sayohatni a’lo darajada o‘tishida jonbozlik ko‘rsatgan kasaba uyushmasi qo‘mitasiga ham minnatdorchilik bildiramiz.

Jizzax davlat pedagogika universiteti jamoasi Zomin tog‘laridagi dam olish an’anasi sentyabr oyidan beri davom etayapti va har sayohat yangi energiya, maroq va quvonch bag‘ishlaydi. Agar siz ham tabiat va adrenalinni sevsangiz — bu sayohatni qo‘ldan chiqarmasligingiz kerak!  Biz bilan birga bo‘ling va Zomin tog‘larida albatta dam oling!