Jizzax davlat pedagogika universitetining bir guruh professor-o‘qituvchilari va xodimlari Toshkent shahrida joylashgan Islom sivilizatsiyasi markaziga tashrif amalga oshirdi.
Tashrif davomida ishtirokchilar markazda saqlanayotgan noyob qo‘lyozmalar, qadimiy manbalar, boy tarixiy ekspozitsiyalar hamda zamonaviy interaktiv ko‘rgazmalar bilan yaqindan tanishdilar.
Mazkur safar ishtirokchilar uchun nafaqat madaniy hordiq, balki muhim ilmiy va ma’naviy tajriba maktabi bo‘ldi. U ajdodlar merosini chuqurroq anglash, milliy qadriyatlarga hurmat tuyg‘usini mustahkamlashga xizmat qildi.
Shuningdek, ushbu tashrif professor-o‘qituvchilar va xodimlarda yangi ilmiy izlanishlar hamda ijodiy faoliyatga bo‘lgan qiziqishni yanada oshirdi. Tashrifni yuqori saviyada tashkil etgan universitet rahbariyatiga minnatdorlik bildirildi.
