Tadbirda JDPU rektori professor Sh.Sharipov litsey talabalari bilan hozirgi davr fan yangiliklari, kelajakda to‘g‘ri yo‘nalish tanlashda qaysi sohalarga e’tibor berish kerakligi, bakalavriat va magistraturadagi ta’limni davom ettirish haqida fikr almashdi. Uchrashuv so‘ngida joriy o‘quv yilida bo‘lib o‘tgan fan olimpiadasi viloyat bosqichida g‘olib bo‘lgan o‘quvchilar, Rektor hamda «Akademik litsey iftixori» stipendiyalari sovrindorlari va alohida o‘rnak ko‘rsatgan ustozlar taqdirlandi.
Uchrashuvdan so‘ng litseyda o‘quvchilar uchun yaratilgan sharoitlar, o‘quv laboratoriyalari bilan tanishildi.
