Xabaringiz bor A. Qodiriy nomidagi Jizzax davlat pedagogika instituti qoshida oliygoh rektori, professor Shavkat Sharipov tashabbusi bilan “Izlanish” klubi tashkil etilgan edi.
Bugungi kunda “Izlanish” Klubiga institutdagi iqtidorli talabalar jalb etilib, she’riyat, nasr, adabiyotshunoslik, badiiy tarjima shu’ balari bo‘yicha izlanishlar olib borilmoqda.
Klubga o‘zbek adabiyoti va uni o‘qitish metodikasi kafedrasi dotsenti Zuhra Mamadalieva rahbar, etib tayinlagan. 2 mart kuni «Izlanish» klubi a’zolari bilan el ardog‘idagi shoira Shahlo Ahrorova bilan uchrashuv bo‘lib o‘tdi.
Uchrashuvda Yozuvchilar uyushmasi Jizzax viloyat xududiy bo‘limi mutaxassisi Salim Kamolov, Viloyat MTDP viloyat bo‘limi mutaxassisi Dilafruz Murodova, shoira Zilolabonu hamda o‘zbek adabiyot o‘qitish metodikasi kafedrasi professor-o‘qituvchilari va iqtidorli talabalar ishtirok etdilar
Qiziqarli o‘tgan uchrashuvda Dilobod Qosimova, Jamila Hakimova, Madina Hasanova kabi iqtidorli talabalar shoiraga ijod falsafasi, she’r yozish texnikasi bo‘yicha savollar berishdi.
Uchrashuvda ijodkor talabalar o‘z ijtimoiy namunalarini o‘qib berib, uchrashuv mehmonlaridan bu boradagi maslahatlarini oldilar.
