Italya davlatining Neapol universiteti professori arxeolog olim Genito Bruno 6-oktyabr kuni Jizzax davlat pedagogika universitetiga  tashrif buyurdi. Suhbat davomida universitet rektori Sh.Sharipov   bu uchrashuv oliygohdagi talabalar va professor-o‘qituvchilar uchun birinchi va o‘ta muhim uchrashuv bo‘lib qolishini, o‘tilajak darslar juda qiziqarli bo‘lishini taʼkidladi.

O‘z navbatida xorijlik mehmon universitet rektoriga  samimiy qabul uchun minnatdorchilik bildirdi. Ayni kunlarda Samarqandda  Qadimgi So‘g‘diyona shahrining qoldiqlari bo‘yicha tadqiqot ishlarini olib borayotgan, O‘zbekiston – Italiya ekspeditsyasining Italya davlatidan bosh rahbari bo‘lmish Genito Bruno  joriy o‘quv yilidan shartnoma asosida Tarix fakulteti talabalariga dars o‘tadi hamda professor-o‘qituvchilar bilan hamkorlikda arxeologik tadqiqotlar olib boradi.