2023- yil 28-fevral kuni Jizzax davlat pedagogika universiteti Boshlang‘ich ta’lim fakultetida xalqaro ma’lumotlar bazalaridan foydanish hamda O‘zbekiston Respublikasi Vazirlar Mahkamasining 2021-yil 19-apreldagi “Ilmiy va innovatsion faoliyat bilan shug‘ullanib kelayotgan iqtidorli yoshlarni qo‘llab-quvvatlash chora-tadbirlari to‘g‘risida”gi 222-son Qarorining mazmun-mohiyati to‘g‘risida seminar-trening bo‘lib o‘tdi. Seminar-trening avvalida Universitet Ilmiy ishlar va innovatsiyalar bo‘yicha prorektori G‘.Qodirov professor-o‘qituvchilar bilan fakultetda mavjud kafedralarning 2022-yilda soha bo‘yicha amalga oshirgan ishlari hamda 2023-yilning rejalari to‘g‘risida suhbatlashdi. So‘ngra Xalqaro reyting va indekslar bilan ishlash bo‘limi boshlig‘i S.Yaxshilikov hamda Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i Sh.Jo‘rayev yuqoridagi mavzular doirasida chiqishlar qilishdi. Seminar-trening davomida fakultet professor-o‘qituvchilari o‘zlarini qiziqtirgan savollar bilan murojaat qilishdi.