Informatika o’qitish metodikasi yo’nalishi 205-guruh talabalarining bir kuni

Informatika va texnologiya ta’limi fakulteti Informatika o’qitish metodikasi yo’nalishi 205-guruh talabalari guruh rahbari Raxmonkulov Feruz boshchiligida Yurtboshimizning 5 ta tashabbusi ijrosini ta`minlash maqsadida Sharof Rashidov nomidagi axborot-kutubxona markaziga tashrif buyurdilar. Kutubxonaning barcha bo’limlari faoliyati jumladan, o’quv zallari, kitob fondi, kutubxonaning elektron tizimi, kutubxona internet tizimi to’g’risida kutubxona xodimasi Karimova Muqaddas tomonidan tanishtirildi. Tanishtirish jarayonida talabalarda kutubxonaning shinam va yorug’ o’quv zallari, kutubxonaning yangi tashkil qilinayotgan elektron tizimi faoliyati alohida taasurotqoldirdi. Mazkur tashrifdan so’ng ayrim talabalarning kitobxonlikka bo’lgan qiziqishi ortdi desak mubolag’a bolmaydi. Guruhning kutubxonaga tashrifidan so’ng kun tartibida belgilangan yana bir vazifa Hamid Olimjon va Sharof Rashidov  muzeylariga tashrif buyurdilar.