Universitetning Maktabgacha ta’lim fakulteti tomonidan tashkil etilgan adabiy kechaning asosiy mehmoni O‘zbekiston xalq artisti, «Do‘stlik» ordeni sohibi, taniqli teatr, kino va dublyaj aktyori Elyor Nosirov bo‘ldi. Universitetning madaniyat saroyiga yig‘ilganlar taniqli aktyor ijrosida Alisher Navoiy qalamiga mansub g‘azal va dialoglarni miriqib tinglashdi. Adabiy kechaga yig‘ilganlar buyuk adiblarimiz bitgan satrlarni yuraklarga hayajon solib kuylayotgan maqomchi talablarni olqishlab, qo‘shiqlarga beixtiyor jo‘r bo‘lishdi.