Jizzax davlat pedagogika universiteti Filologiya fakultetida O‘quv-uslubiy boshqarmaning Talabalar amaliyoti bo‘limi tomonidan fakultet mas’ullari ishtirokida “Universitetda 2025–2026 o‘quv yilida “4+2” tartibidagi va boshqa turdagi amaliyotlarning tashkil etilishi to‘g‘risida” seminar-trening o‘tkazildi.

Tadbir davomida amaliyotning ta’lim jarayonidagi o‘rni va ahamiyati, shuningdek, fakultet mas’ullarining mazkur jarayondagi faoliyatini yanada rivojlantirish zarurligi haqida so‘zyuritildi. Seminar-treningda “4+2” tartibidagi hamda boshqa turdagi amaliyot jarayonlariga oid masalalar batafsil muhokama qilindi.

Shuningdek, mavjud muammolar va ularni bartaraf etish yo‘llari bo‘yicha takliflar taqdimot asosida ko‘rib chiqildi. Ishtirokchilarning fikr-mulohazalari tinglanib, ular tomonidan bildirilgan savollarga belgilangan tartibda javoblar berildi.

Tadbir davomida Jizzax shahridagi Prezident maktabi hamda viloyatda faoliyat yuritayotgan ixtisoslashtirilgan maktab-internatlar bilan hamkorlik shartnomalari imzolanganligi, ushbu ta’lim muassasalarida iqtidorli talabalarning amaliyot o‘tash jarayoni yo‘lga qo‘yilganligi haqida ma’lumot berildi.