Ma’lumki, ayni shu kunlarda 9 may – “Xotira va qadrlash kuni” munosabati bilan ikkinchi jahon urushi qatnashchilari, front orti mehnat faxriylari hamda yurtimiz ravnaqi yo‘lida xizmat qilgan keksa nuroniylar “E’tibor va g‘amxo‘rlik – insoniy burch” shiori ostida qadrlanmoqda.

Jizzax davlat pedagogika instituti rus tili va adabiyotini o`kitish metodikasi kafedrasi jamoasi ham bunday xayrli tadbirda ishtirok etmoqda.

Kafedra mudiri dos. D.Xodjimetova,404 gurux murabbiyi F.Zoirova, talabalari xamda Jizzax viloyat musiqali drama teatri direktori N.Alimova,teatr aktyorlari bilan  hamkorlikda  Sharof Rashidov tumani Qulama qishlog‘ida yashovchi ikkinchi jahon urushi qatnashchisi, 98 yoshli Mamasharif Sidiqov xonadoniga tashrif buyurildi.

Otaxonni qutlash maqsadida sovg‘a-salomlar topshirilib, teatr xodimlari xamda talabalar tomonidan konsert dasturi namoyish etildi.

– Bugungi yoshlarga havasim keladi, – deydi urush faxriysi M.Sidiqov, – yaxshi o‘qish, yaxshi yashash uchun barcha sharoitlar muxayyo. Ayniqsa, shu yoshga kirib, bugungidek odil va xalqparvar yurtboshi ko‘rmagan edim. Uysizlarga uy, muhtojlarga ko‘mak, keksalarga ko‘rsatilayotgan g‘amxo‘rliklar uchun shukr qilaman.

Artistlar ,talabalar tomonidan ijro etilgan Katyusha haqidagi qo‘shiqqa jo‘r bo‘lib, shukronalik hislari bilan otaxon duoga qo‘l ochdilar hamda yurtimizga tinchlik va xotirjamlik, elimizga farovonlik tiladilar.

Shu kuni 404 gurux talabalari D.Xodjimetova,gurux murabbiyi F.Zoirova bilan birgalikda kafedrada ko`p yillar faoliyat olib borgan,bugungi kunda pensiya gashtini surayotgan mexnat faxriysi Sayyora Majidovnani bayram bilan qutlagani xonadonlariga tashrif buyurib,sovg`alar ulashishdi.

           Rus tili va adabiyoti   o`qitish metodikasi kafedrasi o’qituvchisi F.Zoirova