«El-yurt umidi» jamg‘armasi stipendiati, Buyuk Britaniyaning Sharqiy Angliya universiteti doktoranti Furqat Sharipov seminar o‘tkazdi.
Jizzax davlat pedagogika universiteti talabalari, magistrlari va doktorantlari ishtirok etgan Uchrashuvda xorijiy universitetlarga hujjat topshirish, «El-yurt umidi» jamg‘armasi ochiq stipendiyasi tanloviga tayyorgarlik jarayonlari haqida ma’lumotlar berildi.
Qizg‘in suhbat davomida talabalar, magistrlar va doktorantlar o‘zlarini qiziqtirgan barcha savollarga javob olishdi.
Ma’lumot o‘rnida, Furqat Sharipov quyidagi grantlar sohibi:
2017-2018 yillarda – Fullbright til o‘qitish dasturi bo‘yicha xorijiy stajirovka, Pensilvaniya universiteti;
2019-2020 yillarda – Chevening stipendiyasi, Exeter universiteti magistranti
2021-2022 yillarda- Markaziy Osiyo dasturi bo‘yicha xorijiy stajirovka, Jorj Vashington universiteti;
2023 yildan – «El-yurt umidi» jamg‘armasi stipendiati, Sharqiy Angliya universiteti doktoranti.
