Oʻzbekiston Respublikasi Prezidenti huzuridagi davlat xizmatini rivojlantirish agentligi Jizzax viloyati filiali tashabbusi bilan 2023-yil 13-aprel kuni Jizzax davlat pedagogika universitetida “El-yurt umidi” jamg‘armasi tomonidan onlayn seminar boʻlib oʻtdi.
Ushbu seminarda universitetning talabalari, yosh tadqiqotchilari, magistrlari va doktorantlari ishtirok etishdi. “El-yurt umidi” jamg‘armasi tomonidan ilg‘or xorijiy davlatlar nufuzli universitetlari va ilmiy markazlarda bakalavriat, magistratura doktoranturada ta’lim olish uchun 2023-yilgi 1-ochiq stipendiya tanlovi e’lon qilindi.
Tanlov 500 o‘ringa mo‘ljallagan bo‘lib, bakalavriat ta’lim dasturi uchun 75 o‘rin, magistratura uchun 275 o‘rin, doktorantura uchun 150 o‘rin stipendiyalar ajratiladi.
Seminarda “El-yurt umidi” jamg‘armasi vakillari tomonidan ochiq stipendiya tanlovlarini o‘tkazish tartibi, ajratilgan kvotalar, ustuvor yo‘nalishlar, tanlovni tashkil etish mexanizimi hamda elektron hujjat topshirish platformasining ishlash tartibi to‘g‘risida ma’lumot berib oʻtildi.
