Xorijiy tillar fakulteti, Ingliz tili nazariyasi va amaliyoti kafedrasi mudiri A.Jabborovaning Buyuk Britaniyaning Portsmut universitetiga Britaniya Kengashining AELLCA (Accelerating English Language Learning in Central Asia) loyihasi doirasida «Grant Study Visit» dasturi bo‘yicha tashrifi davom etmoqda.
Tashrif davomida A.Jabborova Portsmut universiteti Vitse Kansleri Chris Chang va Xalqaro aloqalar bo‘yicha prorektori Bobby Mehtalar bilan ham uchrashdi va yangi hamkorliklar, loyihalarni muhokama qilishdi.
Shuningdek, Portsmut universitetida «Global Week» doirasida xalqaro talabalar tomonidan tashkil etilgan «Culture Festival»da ham ishtirok etdi.
Ushbu tashriflar va hamkorliklar JDPU va Portsmut universiteti o‘rtasidagi akademik aloqalarni mustahkamlashga, ta’lim sifatini oshirishga va xalqaro tajribalarni o‘rganishga xizmat qiladi.
