O‘zbekiston kasaba uyushmalari Federatsiyasi Jizzax viloyati kengashida yozgi mavsumda bolalarning dam olishini samarali tashkil etish maqsadida ularni “Energy” bolalar oromgohiga kuzatish marosimi o‘tkazildi.

Unda Jizzax davlat pedagogika universiteti professor-o‘qituvchilari va xodimlarining farzandlari ham ishtirok etdi.

Jumladan, universitetning 20 nafarga yaqin xodimlari farzandlari oromgohga yo‘llanma asosida yuborildi.

Tadbir davomida bolalarning yozgi ta’til kunlarini mazmunli o‘tkazishi, sog‘lom dam olishi hamda jismoniy va ma’naviy kamoloti uchun oromgohda zarur shart-sharoitlar yaratilgani ta’kidlandi.Marosim yakunida bolalarga mazmunli hordiq, yaxshi taassurotlar va xavfsiz dam olish tilaklari bildirilib, ular oromgohga kuzatildi.