Jizzax davlat pedagogika universitetida talabalar o‘rtasida tashkil etilgan “Besh tashabbus olimpiadasi” qizg‘in ruhda davom etmoqda.

Startda Pedagogika-psixologiya va inklyuziv ta’lim fakulteti talaba-yoshlari maydonga chiqishdi. Olimpiadaning ikkinchi kuni tantanali ochilish marosimi bilan boshlandi. Ushbu marosimni universitetning Yoshlar masalalari va ma’naviy-ma’rifiy ishlar bo‘yicha birinchi prorektori Farrux Akchayev ochib berdi. U o‘z nutqida talaba-yoshlarni sport musobaqalarida faol ishtirok etishga chorladi.

Shundan so‘ng sportning besh turi bo‘yicha bellashuvlarga start berildi: Stol tennisi, Mini-futbol, Yengil atletika, Stritbol, voleybol

Talabalar maydonda yuksak ruh bilan harakat qilishdi. Tamoshabin tengdoshlarining qo‘llab-quvvatlovchi hayqiriqlari musobaqalarga yanada zavq va qizg‘inlik bag‘ishladi.

Bellashuvlar natijalari kun yakunida aniqlanib, eng munosib jamoalar keyingi bosqichga yo‘l oladi.