Maktabgacha va boshlang‘ich ta’lim fakultetining “Aydinlanma” jamoasi Bobur Hamroyevning “KECH” tragediyasi asosida tayyorlangan umumjamoaviy sahna asarini namoyish etdi.
Bir parda, 8 ko‘rinishdan iborat mazkur spektakl psixotrop dori vositalarining ayanchli oqibatlari, oilaviy muammolar, qadriyatlar parchalanishi va yoshlar o‘rtasidagi global muammolarni yorqin taqdim etishi bilan tomoshabinlarda kuchli taassurot qoldirdi.
Asarda Shabnam obrazining og‘ir taqdiri, ikki farzandining fojiaviy yakuni, do‘stlik va qarindoshlik rishtalarining sinovi, moddiy manfaat ilinjida adashgan yoshlarning o‘tkir dramasi sahnaviy mahorati bilan chuqur yoritildi. Muallif tasvirlagan voqealar jamiyatdagi dolzarb illatlarning keng ko‘lamini namoyon etdi.
Spektaklning rejissyori — Xudoynazarov Gulmurod, sahnalashtiruvchi rejissyor — Rustam Pardaboyev.
Rollarda: Jo‘raboyeva Madina, Bekbo‘tayov Suhrob, Aliyev Dilshod, Qironboyeva Anisa, Karimova Shahlo, Habibov Murodulla, Malikova Ziyoda, G‘oyibnazarov Elmurod, Oltinboyev Ilhom, Qahharov Azimjon, Baxshullayev Ozodbek, Mo‘minova Umida, Mardonova Gulnoza.
