Samimiy va ochiq muloqot tarzida bo‘lib o‘tgan uchrashuv tomonlar uchun foydali o‘tdi desak xato qilmagan bo‘lamiz.

Suhbat davomida mehmonlar yurtimizdagi Oliy ta’lim tizimida olib borilayotgan islohotlar, yoshlarga yaratilgan imkoniyatlar xususan Jizzax davlat pedagogika universitetida xalqaro aloqalarni rivojlantirish borasida amalga oshirilgan ishlar xususida so‘z bordi. Ushbu uchrashuvda ikki oliy ta’lim muassasasi o‘rtasida o‘zaro hamkorlikni yo‘lga qo‘yish va rivojlantirishning istiqbollari, kelajakda hamkorlik aloqalarini mustahkamlash, kadrlar tayyorlash tizimini yo‘lga qo‘yish borasidagi ustuvor vazifalar muhokama qilindi.

Shuni ta’kidlash joizki, Vebster universiteti 1915-yilda Missuri shtati Sent-Luis shahrida tashkil etilgan. Universitetning muvaffaqiyatli faoliyat yuritayotgan Shveysariya, Avstriya, Gretsiya, Gollandiya, Xitoy, Tailand va Gana kabi davlatlarda yettita xalqaro filiallari mavjud. Shuningdek, 2017-yilda Amerikaning eng yaxshi universitetlari reytingida 24-o‘rinni egallagan.