18- noyabr O‘zbekiston Respublikasi Davlat bayrog‘i qabul qilingan kun.
Erta tongdan Jizzax shaxridagi markaziy ko‘chalardan biri hisoblanmish Sharof Rashidov shox ko‘chasida boshlangan tadbir ko‘nglimda ajib xotiralar va his tuyg‘ularni uyg‘otdi desam mubolag‘a bo‘lmaydi. Bir so‘z bilan aytganda bugun o‘zgacha kun, bunday deyishimga asosli sabablar bor, shu kun sabab bir birini tabriklayotgan talaba yigit qizlarni va tadbir boshlanishini intizorlik bilan kutayotgan yoshlarni savolga tutaman.
-Tinchlikmi ? Nega bugun odam ko‘p qanday tadbir bor?
-bilmaysizmi bugun bayrog‘imiz qabul qilingan kun…katta tadbir bo‘ladi …
Bilmas ekanmanmi ?… albatta bilaman…bunday xozirjavob va ko‘zida shijoati bor yoshlarni ko‘rib faxrlandim rosti.
Rivoyat qilishlaricha Najmidin Kubro yog‘iy qo‘liga bayroqni bermaslik uchun qo‘lda bayroq bilan jon taslim qilgan ekan. Uning qo‘lidan bayroqni olishga uringan dushmanlar qanchalik harakat qilmasin bobokalonimizning panjalarini ochisholmagan ekan. Shunda Najmiddin Kubroning besh panjasini kesib bayroqni olishgan ekan. Izohga hojat yo‘q…
Istardikki bugungi yoshlarimiz , har bir fuqaro ajdodlarizga munosib farzand bo‘lishsin.Bugun ko‘zimizni yashnatib, quvnatib boshlar uzra baland hilpirab ketayotgan bayrog‘imiz mudom eng baland cho‘qqilarda ham hilpirab tursin…Bayramingiz muborak aziz yurtdoshlar!
Jizzax davlat pedagogika instituti axborot xizmati
