2018 yil 6 iyun kuni Chet tillar fakultetida rus tili va adabiyoti o‘qitish metodikasi kafedrasi professor-o‘qituvchilari va talabalari tomonidan buyuk rus shoiri va yozuvchisi, yangi rus adabiyoti asoschisi, rus adabiy tili yaratuvchisi A.S.Pushkinning 219-yilligiga bag‘ishlangan tadbir o‘tkazildi. Tadbir davomida shoir qalamiga mansub asarlardan sahna ko‘rinishlari namoyish etildi, she’rlari o‘qildi. Tadbir yakunida Pushkin asarlari bilan yaxshi tanish bo‘lgan ishtirokchilar sovg‘alar bilan taqdirlandi.
