Jizzax davlat pedagogika universitetida “Mehnat shuhrati” ordeni sohibasi, professor Faniya Axmedshina, magistrlar hamda talaba yoshlar uchrashuvi bo‘lib o‘tdi.
“Uch avlod uchrashuvi” nom ostida tashkil etilgan tadbirda universitetning Magitsratura bo‘limi magistr talabalari va profesor-o‘qituvchilar, hamda bakalavriat yo‘nalishi talabalari ishtirok etishdi. Uchrashuv profesor tarixshunos olima Faniya Ahmedshinaning hayoti va faoliyati bilan bog‘liq videolavhalar bilan boshlandi.
Konsert dasturlari hamda ustozlarning xotiralari bilan davom etgan uchrashuvda talaba yoshlar hamda magistrlar tomonidan savollar berildi. Uchrashuv qahramoni savollar orqali, o‘zi tug‘ilib o‘sgan yurt haqidagi taassurotlari, 50 yillik tinimsiz mehnat natijasida o‘rganilgan qimmatli maʼlumotlarni so‘zlab berdi. Bo‘lajak olimlarga asqotadigan qimmatli maslahatlarini aytib o‘tdi.Uchrashuvga talaba yoshlar hamda magistrlar tomonidan tayyorlab kelingan badiiy qism yakun yasadi.
