«O‘zbekiston bo‘ylab sayohat qil” shiori ostida mamlakatimizdagi tarixiy obidalar, ziyoratgohlar va dam olish maskanlari joylashgan hududlarga bir qator tashriflarni amalga oshirilmoqda.

Universitetning Maktabgacha ta’lim fakulteti professor-o‘qituvchilari, magistrlari hamda iqtidorli, ko‘plab yutuqlarga erishgan talaba-yoshlar Toshkentga sayohat uyushtirishdi. Bir so‘z bilan aytganda, Toshkent shahriga tashkil etilgan sayohat universitetda doimiy ravishda o‘tkazilayotgan ma’naviy-ma’rifiy ishlarning davomi bo‘ldi.

Sayohat davomida yoshlar poytaxtimizning  bir qator tarixiy va ko‘ngilochar manzillarida bo‘lishdi va ayni kunlarda yurtdoshlarimizning e’tiroflariga sazovor bo‘layotgan Zangiota ziyoratgohi, Adiblar xiyoboni hamda Alisher Navoiy nomidagi Respublika kutubxonasida bo‘lishdi. Talaba yoshlar va professor-o‘qituvchilar sayohatdan boy taassurotlar bilan qaytdilar. Toshkent shahrining go‘zal maskanlari va hashamatli saroylari, barpo etilayotgan binolar, muhtasham ko‘priklar va yo‘llar barcha sayohatchilarda katta taassurot qoldirdi.Mazkur tashriflar nafaqat talablarda balki, professor-o‘qituvchilarda ham katta taassurotlar qoldirmoqda.

Tashriflar natijasida talabalar mamlakatimizda mavjud tarixiy obidalar va madaniy meros bilan tanishish bilan birga o‘z tengdoshlariga ham mamlakatimizning diqqatga molik joylariga tashrif buyurishlari foydadan holi bo‘lmasligini aytishmoqda.