Jizzax davlat pedagogika universitetida “Ta’limda filologiyani rivojlantirishning global masalalari” mavzusidagi V xalqaro ilmiy-amaliy anjuman bo‘lib o‘tdi.

Tadbir Boshlang‘ich ta’lim metodikasi kafedrasi professori Umurzoq Jumanazarovning 70 yillik yubileyiga bag‘ishlandi. Anjuman ishini universitet rektori, professor Maksudjan Yuldashev kirish so‘zi bilan ochib berdi hamda yubilyarning ko‘p yillik ilmiy-pedagogik faoliyatini e’tirof etdi.

Nufuzli xalqaro anjumanning yalpi majlisida Ozarbayjon, Rossiya, Turkiya, Tojikiston va Qozog‘iston kabi xorijiy davlatlardan hamda respublikamizning yetakchi oliy ta’lim muassasalari va ilmiy-tadqiqot institutlaridan taniqli olimlar, professor-o‘qituvchilar va soha mutaxassislari ma’ruzalari bilan ishtirok etishdi.

Muloqotlar davomida filologiya fanini o‘qitishdagi zamonaviy yondashuvlar, ta’lim tizimidagi dolzarb masalalar hamda xalqaro ilmiy hamkorlikni yanada rivojlantirish istiqbollari atroflicha muhokama qilindi.