Bahor, qalblarga iliqlik, ko‘ngillarga orzu-umid bag‘ishlovchi fasl…eng nafis, eng go‘zal, talaffuz etilishida ham o‘zgacha ma’no borday go‘yo. Bahor kirib kelishi bilan yurtimizda sumalak sayli ham boshlanib ketadi. Kecha universitetning 1-sonli TTJda sumalak sayli boshlandi. Sumalak sayli – shoira Zulfiyaxonimning tavallud kuni munosabati bilan tashkillashtirilgan nazm kechasiga ulanib ketdi. Nazm kechasida shoira ijodidan namunalar o‘qildi. Ko‘rgazmalar tashkil etildi. Sumalakning totli ifori barchani o‘ziga rom etdi. Sumalak saylida talabalar ijrosida go‘zal qo‘shiqlar yangradi, laparlar aytildi, mehmonlarga bayramona kayfiyat baxsh etildi.
