Bugun Jizzax viloyat musiqali drama teatrida Abdulla Avloniy asari asosida O‘zbekiston davlat drama teatri aktyorlari tomonidan rejissyor S.Lutfullayev boshchiligida sahnalashtirilgan “Advokatlik osonmi?” spektakli namoyish etildi.

Tadbirda Jizzax davlat pedagogika universitetining professor-o‘qituvchilari hamda talabalari ishtirok etishdi.

Komediya jarida yozilgan mazkur spektakl hayotdagi kulgili va ayni paytda o‘ylantiruvchi vaziyatlar orqali insonning vijdoni, halollik va adolat tushunchasiga yangicha nigoh bilan qarashga undaydi.

Asarda advokat kasbining mas’uliyati, inson taqdiri uchun javobgarlik va haqiqatni himoya qilish yo‘lidagi sinovlar samimiy va hayotiy obrazlar orqali ifodalangan.

Tomosha davomida aktyorlar mahorat bilan har bir qahramonning ichki kechinmalarini, hayotga bo‘lgan munosabatini, oddiy vaziyatlar ortidagi katta ma’nolarni yorqin sahna harakatlari orqali namoyon etdilar.