Rossiya-Kirg‘iz biznesni avtomatlashtirish boshqaruv instituti (RKIAUB) 2006-yilda tashkil etilgan bo‘lib, Qirg‘izistonning Bishkek shahrida joylashgan. U Osh davlat texnologiya universitetining filiali sifatida faoliyat yuritadi va biznesni avtomatlashtirish hamda boshqaruv sohasida yuqori malakali mutaxassislar tayyorlaydi.
Bugun universitetga institut direktori professor Erkegul Biymirsayeva va dotsent Cholpon Rispayeva tashrif buyurib, xalqaro hamkorlikni yanada rivojlantirish uchun fakultet jamoasi bilan o‘zaro fikr almashdilar.
Tadbir Maktabgacha ta’lim fakulteti sa’y-harakatlari bilan tashkil etilgan bo‘lib, unda akademik mobillik, hamkorlik loyihalari va onlayn ma’ruzalar tashkil etish imkoniyatlari muhokama qilindi. Ushbu uchrashuv tajriba almashish va kelgusi samarali hamkorlik uchun muhim baza yaratdi.
Tomonlar uchrashuv so‘ngida esdalik sovg‘alar bilan almashishdi va hamkorlikning yangi bosqichini boshladi.
