Jizzax davlat pedagogika universitetiga tashrif buyurgan 172 nafar maktab o‘quvchilari oliygohning o‘quv va ijtimoiy infratuzilmasi bilan yaqindan tanishdilar.
Ular tashrif davomida ARM, sport majmualari, o‘quv auditoriyalari hamda “Qatag‘on qurbonlari” muzeyiga kirib, universitetda talabalar uchun yaratilgan sharoitlar haqida batafsil ma’lumotga ega bo‘lishdi.
Jizzax davlat pedagogika universitetida tashkil etilgan davra suhbatida Jizzax shahridagi 6 ta umumta’lim maktabida faoliyat yuritayotgan pedagogik sinf o‘quvchilari, universitet rektori, professor-o‘qituvchilar va mas’ul rahbarlar ishtirok etdi.
Tadbir davomida O‘zbekiston Respublikasi Prezidentining yoshlarga oid davlat siyosati doirasidagi islohotlar, ta’lim sohasidagi yangiliklar hamda pedagog kasbining jamiyatdagi o‘rni va ahamiyati muhokama qilinib, yakunda ochiq muloqot tarzida savol-javoblar o‘tkazildi.
