Davra suhbatini institut Yoshlar masalalari ma’naviy-ma’rifiy ishlar bo‘yicha birinchi proretkor S.Nazarqosimov ochib berdi. Bugun O‘zbekiston Respublikasi Prezidenti Shavkat Mirziyoev rahbarligida 19 yanvar kuni ma’naviy-ma’rifiy ishlar tizimini tubdan takomillashtirishga bag‘ishlangan videoselektor yig‘ilishida belgilab berilgan vazifalardan kelib chiqib, oliy ta’lim muassasalari rahbariyati, OAV vakillari, blogerlar va talabalar ishtirokida “Oliy ta’lim muassasalarida ma’naviy-ma’rifiy ishlar samaradorligi oshirish masalalari” mavzusida davra suhbati o‘tkazildi.
Anjumanda Respublika ma’naviyat va ma’rifat kengashi raisi Prezident ekani belgilab qo‘yilganligi, Kengashning hududiy bo‘limlariga mas’ullik hokimlar zimmasiga yuklatilganligi, Davlatimiz rahbarining Oliy Majlisga Murojaatnomasi, O‘zbekiston yoshlarining birinchi forumi hamda Xavfsizlik kengashining kengaytirilgan yig‘ilishida ma’naviyat yo‘nalishidagi dolzarb vazifalar belgilab berganliklari to‘g‘risida ma’ruzalar qilindi.
Shuningdek, anjumanda so‘zga chiqqanlar Davlatimiz rahbari tomonidan maktablar, o‘rta maxsus va oliy ta’lim dargohlarida ma’naviy-ma’rifiy ishlar samaradorligini oshirish bo‘yicha aniq ko‘rsatmalar belgilab berilganligini ta’kidlab, bu o‘zgarishlar ma’naviy-ma’rifiy ishlarni davlatimiz siyosatida yanada yuksak o‘ringa ko‘targanini aytib o‘tdilar.
Davra suhbati ochiq muloqot tarzida o‘tib, ishtirokchilarning taklif va tashabbuslari tinglandi. Ular o‘zlarini qiziqtirgan savollariga javoblar oldilar.
