Vatanning suvrati, mehru tarovati, ajdodlar o‘tmishi, buguni, fidokorligi va istiqbolini davlat ramzlari namoyon etadi. O‘zbekiston Respublikasi Davlat bayrog‘i shulardan biridir. U shu millatning or-nomusi, sha’ni va g‘ururidir. Shonu shavkatimiz hisoblanmish bayrog‘imiz qabul qilinganligiga bu yil 28 yil to‘ladi. 1991 yil 18 noyabrda “O‘zbekiston respublikasining Davlat bayrog‘i to‘g‘risida” gi tarixiy hujjatga imzo chekildi. Ko‘nglimizga faxr va g‘urur bag‘ishlagan bu kunni unitib bo‘lmaydi. Moviy, zangori va oppoq ranglar bilan jilolangan Oy va yulduzlar tasvir tushirilgan bayrog‘imiz hilpirab turganini ko‘rganimda ko‘nglimda ajib his tuyg‘ular uyg‘onadi. 1992 yil Turkiya Jumhuriyatiga bir guruh talabalar test orqali o‘qishga jo‘natildik. O‘zbekistonning turli go‘shalaridan shu yurtga o‘qishga kelgan talaba yigit- qizlarni o‘z mutaxassiliklariga ko‘ra oliy o‘quv yurtlariga bo‘lishdi. Yurtdoshlar bilan faqatgina ommaviy tadbirlar va oliygohlar tomonidan tashkil etilgan sport musobaqalarida uchrashib turardik. Mana shunday o‘rtoqlik uchrashuv va bellashuvlarning birida g‘oliblikni qo‘lga kiritgan bir talaba yigitimiz bayrog‘imizni boshi uzra baland ko‘targanida ko‘zlarimda yosh halqigani hali hamon esimda . Ana shu lahzalarda olis yurtda turib o‘z kindik qoning to‘kilgan Vatan sen uchun qanchalar muqaddas ekanligini, mana shu kichikkina g‘alab orqali o‘z yurti sha’niga maqtovlar olib kirayotgan o‘zbek o‘g‘lonining his hayajonlari,ko‘nglimni tog‘dek ko‘targan bo‘lsa, endi –endi qaddini tik tutib, o‘zining borligini , tenglar ichra teng ekanlagini ko‘rsatayotgan bag‘rikeng, azal –azaldan mehmondo‘st va bolajon halqning farzandi ekanligimdan faxrlanganman. O‘zida milliy-ma’daniy an’analarimizni aks etgan bayrog‘imiz jonajon o‘lkamizning davlat ramzidir. Iftixorimiz hisoblanmish bayrog‘imiz bizni hech kimdan kam emasligimizni bildiradi. Unga munosib bo‘lish esa har birimizning burchimizdir.
Jizzax davlat pedagogika instituti axborot xizmati
