JDPU tomonidan Mamlakatimizda turizm salohiyatini oshirish hamda Jizzax viloyatiga xorijiy sayyohlarning tashrifini tashkil etish, Jizzax davlat pedagogika universiteti jozibasini oshirish va universitet imijini tanitish maqsadida bir qator xorijiy mamlakatlardan olimlarning tashrifi tashkil etildi. Turkiya davlatining Necmettin Erbakan , Bog‘azichi , Ankara u, Yıldırım Beyazit, Istanbul Commerce , Selchuk , Gollandiya davlatining Liden, Buyuk Britaniyaning Exeter universitetlarining taniqli professor-o‘qituvchilari hamda tadqiqotchi olimlaridan Ramazan Altıntash, Birol Mercan, Arnold Yasin Mol, Sajjad Rizvi va Mehmet Akif Okur kabi 21 nafardan iborat delegatsiya vakillari universitetga yetib kelishdi.
Xorijlik mehmonlarni JDPU rektori Sh.Sharipov boshchiligidagi rahbariyat vakillari kutib olishdi. Rasmiy uchrashuv davomida xorijiy delegatsiya a’zolariga universitet uslubi hamda tarixi, faoliyati va universitetda yaratilgan ta’lim imkoniyatlari xususida ma’lumotlar berildi. bugungi kundagi xorijiy mamlakatlar, ayniqsa Turkiy davlatlar bilan olib borilayotgan o‘zaro hamkorlik aloqalari haqida ham so‘z bordi.
Shuningdek, universitetning «Qatag‘on qurbonlari xotirasi» muzeyining yangi binosi va xonalari slayd shaklida namoyish etildi, muzey ma’lumotlari, eksponatlar xorijiy vakillarda katta taassurot qoldirildi. Oliygohning Steam park, laboratoriyalar va «Professorlar bog‘i» sayyohlarda qiziqish uyg‘otdi. Tashrif so‘ngida xorijlik mehmonlarga esdalik sovg‘alari topshirildi.
