Jizzax davlat pedagogika universitetida Angliyaning «Brooke House College » fudbol akademiyasining murabbiy-treneri Garrison Vard ishtirokida talabalar va oʻquvchilar uchun navbatdagi mahorat darslari tashkil etildi.
Toshkentda Angliya metodikasi asosida yosh futbolchilarni tayyorlashga ixtisoslashgan “Brooke House College Futball Akademy” nomidagi birinchi futbol maktabi ochilganidan ko‘pchilikning xabari bor bo‘lsa kerak. Ta’kidlash joiz Yevropa standartlari asosida yosh futbolchilarni tayyorlashga ixtisoslashgan ushbu loyiha O‘zbekistonda yuqori darajali futbolchilar tayyorlash tizimiga muhim hissa qo‘shadi. Shu o‘rinda akademiya haqida qisqacha ma’lumot:
«Brooke house college» akademiyasi Londondan 1 soat uzoqlikda joylashgan bo‘lib u hususiy va mustaqil tashkilotdir. Ayni paytda akademiyada 140ga yaqin shug’ullanuvchilar mavjud.. Akademiya yosh futbolchining rivojlanishiga xizmat qiladi. O’qish, ovqatlanish, mashg’ulot o’tkazish hammasi ichida. Ta’kidlash joiz ushbu akademiyani tugatgan ko‘pgina bitiruvchilar bugun dunyoning professional jamoalarida to‘p surishmoqda.
Xabaringiz bor o‘tgan 2021 yilda Ushbu futbol maktabining Toshkentdagi filiali ijrochi direktori Shuhrat Ernazarov boshchiligida Angliyalik murabbiy Tony Mccallen Jizzaxga tashrif buyurishgan edi. Tashrif davomida angliyalik murabbiyuniversitetda bo‘lib, yosh futbolchilarga mahorat darslari ham o‘tgan edi. Bu galgi mahoarat darslari esa «Brooke House College » fudbol akademiyasining murabbiy-treneri Garrison Vard ishtiriokida bo‘lib o‘tdi. Qiziqarli suhbatga boy bo‘lgan uchrashuv va mahorat darslari davomida angliyalik mutaxassislar yosh futbolchilarga kerakli texnik ko‘rsatmalar berish bilan bir qatorda iqtidorni yuzaga chiqarish uchun muhim tavsiyalarni ham berishdi.
