Jizzax davlat pedagogika universiteti madaniyat saroyida uzluksiz kasbiy rivojlanish kuni doirasida seminar tashkil etildi. Tadbir pedagoglar uchun foydali ilmiy-amaliy ma’lumotlarni o‘z ichiga oldi.

Seminarda Fizika-matematika fanlari nomzodi, Bilim va malaka hamda baholash agentligi huzuridagi Ilmiy-o‘quv-amaliy markazi boshlig‘i o‘rinbosari, Barotov Akmal Abdumajitovich “Pedagogik o‘lchov vositalari va ularni yaratish shartlari” mavzusida ma’ruza qildi.

Ma’ruzada quyidagi masalalar yoritildi:

• Pedagogik o‘lchov vositalari va ularning asosiy funksiyalari: hisobga olish, nazoratli- tuzatish, o‘rgatish, tarbiyaviy va attestasion funksiyalar;

• Testlarning tasnifi va test topshiriqlarining qiyinlik darajasi;

• Pedagogik o‘lchov vositalarini yaratish ketma-ketligi va algoritmi;

• Testga qo‘yiladigan talablar va ta’lim maqsadlarida Bloоm taksonomiyasining qo‘llanilishi;

• Pedagogik o‘lchov vositalaridagi mumkin bo‘lgan xatoliklar.

Pedagogik o‘lchov vositasi (test varianti) – bu ta’lim oluvchilarning tayyorgarlik darajasini tizimli va asosli baholash uchun yaratilgan, turli qiyinchilik darajasidagi va o‘ziga xos shakldagi topshiriqlar tizimi ekanligi ta’kidlandi.

Seminar ishtirokchilari uchun amaliy misollar va tavsiyalar berilib, pedagogik faoliyat sifatini oshirishga qaratilgan muhim bilimlar taqdim etildi.