Jizzax davlat pedagogika universiteti va Ozarbayjon Milliy Fanlar Akademiyasi Nizomiy Ganjaviy nomidagi Adabiyot instituti hamkorligida Boku shahridagi “Elm va tahsil” nashriyotida “Jahon xalqlari adabiyoti” (1-qism) darsligi nashr qilindi.
Ushbu darslikda jahon xalqlari adabiyoti tasnifi va ularning o‘ziga xos xususiyatlari, xususan Kavkaz, Fors, Italiya, Germaniya, Slavyan, Ugor-Fin, Grek, Hind va boshqa til guruhiga mansub xalqlarning adabiyoti haqida ma’lumotlar berilgan. Shuningdek, darslikda Nobel mukofotini qo‘lga kiritgan yozuvchi, shoir va dramaturglar haqida ham to‘liq ma’lumotlar keltirilgan.
Darslik oliy ta’lim muassasalari filologiya fakulteti talabalari, magistrantlar, doktorantlar, ilmiy tadqiqotchilar va jahon xalqlari adabiyotiga qiziquvchi keng kitobxonlar uchun mo‘ljallangan.
Mualliflar:
-
Almaz Ulvi Binnatova – Ozarbayjon Milliy Fanlar Akademiyasi Nizomiy Ganjaviy nomidagi Adabiyot instituti Ozarbayjon-Turkmaniston-O‘zbekiston adabiy aloqalar bo‘limi boshlig‘i, filologiya fanlari doktori, professor;
-
Jumanazarov Umirzoq Abdurazzoqovich – filologiya fanlari doktori, professor;
-
Jumanazarova Guljaxon Umirzoqovna – filologiya fanlari doktori, professor, Boshlang‘ich ta’lim nazariyasi va metodikasi kafedrasi.
