Jizzax davlat pedagogika universiteti Tarix fakulteti 1-bosqich talabalariga Sotsiologiya va Antropologiya fanlariga qiziqishni oshirish hamda bu fanlarning zamonaviy ijtimoiy hayotdagi ahamiyatini chuqurroq anglash maqsadida 2025-yil 28-may kuni onlayn formatda vebinar tashkil etildi.
Vebinar davomida dolzarb ijtimoiy muammolar, jamiyatdagi o‘zgarishlar va inson munosabatlarining ilmiy asoslari muhokama qilindi. Ishtirokchilar sotsiologiya va antropologiya sohalaridagi asosiy tushunchalar va ularning amaliy qo‘llanmalari bilan yaqindan tanishish imkoniga ega bo‘ldi.
Ta’lim jarayonini interaktiv va qiziqarli qilishga qaratilgan ushbu tadbir talabalar tomonidan yuqori baholandi va ularning fanlarga bo‘lgan qiziqishi yanada oshdi.
