“Raqamli O‘zbekiston-2030” doirasida davlat sektoriga kiruvchi xizmatlarning onlayn tarzda ko‘rsatilayotgani fuqarolarga juda katta yengillik yaratmoqda.
Xuddi shu qulaylik Jizzax davlat pedagogika universitetida faoliyat ko‘rsatayotgan Registrator ofisida ham mavjud. Respublikada birinchilardan bo‘lib tashkil etilgan Registrator ofisi universitet bosh binosida joylashgan bo‘lib, bugungi kunda 35 ta xizmat onlayn va oflayn tarzda ko‘rsatilyapti. Talabalar, ularning ota-onalari, professor-o‘qituvchilar hamda fuqarolar markazga murojaat qilib, oliy ta’limdagi jarayonlar bilan bog‘liq murojaatlariga javob olishlari mumkin.
Oliy ta’lim, fan va innovatsiyalar vazirligi huzuridagi Oliy ta’limni rivojlantirish tadqiqotlari markazi boshqarma boshlig‘i S.Tajibayev va mutaxassislaridan iborat ishchi guruhi yangi tuzilma uchun yaratilgan shart-sharoitlar, funksional vazifalar, ko‘rsatilayotgan xizmatlar, moddiy-texnik baza, xodimlarning kasbiy malakasi kabi jihatlar o‘rganildi.
O‘rganish natijalariga ko‘ra, “Registrator ofisi” faoliyatini takomillashtirish, talabalarga ko‘rsatilayotgan xizmatlar sifatini yanada oshirish bo‘yicha bir qator tavsiya va ko‘rsatmalar berildi.
