26-30 aprel kunlari Jizzax davlat pedagogika instituti Chet tillar fakultetida Ingliz tili nazariyasi va o‘qitish metodikasi kafedrasi katta o‘qituvchisi Azizbek Muxamedov tashabbusi bilan AQShlik Fulbrayt dasturi doirasida faoliyat yuritayotgan professor Lorri A.Vulfe talabalar va o‘qituvchilarga qisqa muddatli o‘quv kurslarini o‘tdi. Professor Lorri A.Vulfega AQSh elchixonasi tomonidan biriktirilgan tarjimon Axmedov Raxmatullo ham ushbu tashrifda faol qatnashdi va professorning darslarida muntazam ravishda assistentlik qildi.
27.04.2021 kuni 1-3 kurslarga Amerika madaniyati, Amerika ta’lim tizimi (Ingliz tilida so‘zlashuv amaliyoti) American Culture, American educational system (practice English speaking) noan’anaviy uslubda ma’ruza o‘tdi. Talabalar ushbu ma’ruzalarda faol qatnashdi: ma’ruzada qiziqarli muzokaralar, vaziyatli o‘yinlar, bahs-munozaralar bo‘ldi, bellashuvlarda g‘olib chiqqan talabalar AQSh elchixonasining sovg‘alari bilan taqdirlandi.
26.04.2021 dan boshlab har kuni ikki mahal 10.00da va 14.00.da Chet tillar fakultetining Ingliz tili nazariyasi va o‘qitish metodikasi, Ingliz tili amaliy kursi, Ijtimoiy-gumanitar fanlarda ingliz tili, Tabiiy va aniq fanlarda ingliz tili kafedralarining 60dan oshiq o‘qituvchilariga, magistr va doktorantlariga Ingliz tilini o‘qtishda innovatsion usullar, qiziqarli o‘yinlarga asoslangan dars o‘tish texnologiyalari, Auditoriya muhitini yaxshilash uchun pozitiv psixologiyaning qo‘llanilishi, Amerikada ta’lim sistemasi, o‘qituvchi faoliyatida charchashni oldini oluvchi metodika ( Introduce AL and present research on why it works, Think-Pair-Share activity, Spectrum Active Learning exercises: Flyswatter, Jigsaw, Kahoot or Pictionary, Using Positive Psychology to Improve the Classroom Environment, Presentation with Q&A on American educational system. Presentation with Q&A on preventing teacher burnout for students and faculty in teacher training programs) kabi mavzularda ma’ruza va amaliy mashg‘ulotlar o‘tdi. Mashg‘ulotlarga Sayiljoyi akademik litseyi o‘qituvchilari ham qatnashdi va professor Lorri A.Vulfening bilim va tajribasidan bahramand bo‘lishdi.
30.04.2021 kuni soat 14.00da Jizzax davlat pedagogika institutining majlislar zalida professor Lorri A.Vulfe va barcha mashg‘ulotlarga qatnashgan professor-o‘qituvchilar ishtirokida tantanali ravishda Sertifikat bilan taqdirlash marosimi bo‘lib o‘tdi. Tadbirda Yoshlar bilan ishlash prorektori Sarvar Nazarqosimov ishtirok etdi va Lorri A.Vulfega hamkorlik uchun institut ma’muriyati va jamoasi nomidan minnatdorchilik bildirdi va kelgusida yanada ko‘proq istiqbolli rejalar amalaga oshirilishiga ishonch bildirdi. Barcha qatnashuvchilar professor Lorri A.Vulfega va Ingliz tili nazariyasi va o‘qitish metodikasi kafedrasi jamoasiga alohida minnatdorchik bildirishdi, tadbir yuzasidan o‘z fikr mulohazalarini bildirishdi. Tadbir so‘ngida mexmonlarga esdalik sovg‘alari berildi.
