Joriy yilning 17-oktyabr kuni O‘zbekiston Respublikasi Prezidenti Shavkat Mirziyoyevning kasaba uyushmalari faollari va faxriylari bilan uchrashuvida ilgari surilgan tashabbuslardan kelib chiqqan maqsad va vazifalarni amalga oshirish yuzasidan 24-oktyabr kuni Jizzax davlat pedagogika universiteti Jismoniy tarbiya va sport fakultetida yig‘ilish bo‘lib o‘tdi.
Yig‘ilishda universitet Kasaba uyushma qo‘mitasi raisi Jahongir Majidov, fakultet dekani professor Furqat Axmedov, shuningdek, fakultet professor-o‘qituvchilari va xodimlari ishtirok etdilar.
Tadbir davomida kasaba uyushmalari harakatining 120-yillik bayrami arafasida tashkil etilgan ushbu uchrashuvning ahamiyati, Prezident tashabbuslarining mazmun-mohiyati hamda ularni amalga oshirishning ustuvor yo‘nalishlari haqida so‘z yuritildi.
Yig‘ilishda ta’kidlanishicha, kasaba uyushmalari faoliyati xodimlarni ijtimoiy qo‘llab-quvvatlash, mehnat muhitini yaxshilash va jamoada hamjihatlikni mustahkamlashda muhim ahamiyat kasb etadi
