Jizzax davlat pedagogika universiteti Jismoniy tarbiya va sport fakultetida 2025–2026 o‘quv yilidan boshlab yangi — “Sport faoliyati (dzyudo)” yo‘nalishi faoliyati yo‘lga qo‘yildi. Hozirda ushbu yo‘nalishda 22 nafar talaba tahsil olmoqda.
Fakultet tarkibida dzyudo sport turi bo‘yicha to‘garak ham faoliyat yuritmoqda. Unda 5 nafar malakali o‘qituvchi mashg‘ulot olib boradi, уларdan 3 nafari xalqaro toifadagi sport ustasi, 2 nafari esa sport ustasi unvoniga ega.
28-oktyabr – Xalqaro dzyudo kuni munosabati bilan fakultetda mazkur sport turi o‘qituvchilari va talabalari tomonidan sport bellashuvlari va ko‘rgazmali chiqishlar tashkil etildi. Tadbir davomida yosh sportchilar o‘z mahoratlarini namoyish etishdi, ustozlar tomonidan dzyudoning tarixi, falsafasi hamda intizom, hurmat va irodani tarbiyalovchi jihatlari haqida so‘z yuritildi.
Ushbu tadbir dzyudo yo‘nalishida tahsil olayotgan talabalarga yanada ilhom va g‘ayrat bag‘ishlab, sog‘lom turmush tarzini targ‘ib etиш hamda sport orqali yoshlar o‘rtasida do‘stlik va birdamlikni mustahkamlashga xizmat qildi.
