Jizzax davlat pedagogika universitetida 2025/2026-o‘quv yilida talabalarni munosib kutib olish va ularni turar joy bilan tezkor ta’minlash maqsadida “Talabalar turar joylari va ijara xonadonlari bo‘yicha ma’lumotlar markazi” faoliyati yo‘lga qo‘yildi.

Markaz talabalarga quyidagi masalalarda ko‘mak beradi: universitet yotoqxonasiga joylashish, o‘quv muassasasiga yaqin joydagi ijara xonadonlarini topish, turar joy bilan bog‘liq muammolarni hal etish.

Ayni paytda universitetda 1216 o‘ringa mo‘ljallangan 1-, 2- va 4-son talabalar turar joylari mavjud. Shuningdek, markaz 200 ta yashil va sariq hududlarda joylashgan, o‘quv muassasasiga yaqin va qulay infratuzilmaga ega ijara xonadonlarini talabalarga taklif etmoqda.

Markaz xizmatlaridan foydalanish istagidagi talabalar universitetning mas’ul xodimlariga yoki markazga to‘g‘ridan to‘g‘ri murojaat qilishlari mumkin.