Jizzax davlat pedagogika universitetida talabalarning media savodxonligini oshirish maqsadida seminar-trening bo‘lib o‘tdi.
Seminarni xalqaro darajadagi media trener Nargis Qosimova hamda Nodira Alimova olib borishdi. Trening davomida talabalarga videomontaj, blog yuritish, podkast tayyorlash kabi yo‘nalishlarda amaliy ko‘nikmalar berildi.
Ta’lim jarayonida axborot savodxonligi, kreativ fikrlash va raqamli ijodkorlik mavzulariga alohida e’tibor qaratildi. Trenerlar qiziqarli tajribalar va foydali ma’lumotlar bilan ishtirokchilarda katta taassurot qoldirishdi.
Seminar ishtirokchilari yangi bilim va ko‘nikmalarga ega bo‘lib, mediamahsulotlar yaratish borasida ilk qadamlarini tashlashdi. 
