Seminarni JDPU rektori Sh.Sharipov ochib berdi. O‘zbekiston Respublikasi Prezidentining 2022-yil 21-iyundagi PQ-289-son “Pedagogik ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari to‘g‘risida”gi Qarorida keltirilgan maqsadli ko‘rsatgichlarni amalga oshirish maqsadida 2024-yil 31-yanvar kuni Jizzax davlat pedagogika universitetida O‘zR FA tarix instituti bilan hamkorlikda “Jizzax vohasining Turkiston ijtimoiy-siyosiy, iqtisodiy tarixida tutgan o‘rni” mavzusidagi ilmiy-amaliy seminar tashkil etildi.
Seminarda O‘zR FA tarix instituti direktori, t.f.d., akademik Azamat Hamid o‘g‘li Ziyo, t.f.d., professor Q.K.Rajabov, tarix fanlari doktori D.M.Jamolova, Tarix instituti tayanch doktoranti J.Sangirov hamda JDPU Tarix fakulteti professor-o‘qituvchilari va talabalari ishtirok etdi. Shu kuni Ilmiy, ta’lim va ma’rifiy yo‘nalishlarda unumli hamkorlikni yo‘lga qo‘yish maqsadida Fanlar akademiyasi Tarix instituti va Jizzax davlat pedagogika universiteti o‘rtasida kelishuv imzolandi.
