9-yanvar kuni O‘zDJTUda “Ingliz tili o‘qituvchilarining uzluksiz malakasini oshirish  tamoyillari” (Accelerating English Language Learning in Central Asia) mavzusidagi intensiv trening o‘z ishini boshladi.

Treningda O‘zDJTU rektori, professor Ilxomjon Tuxtasinov ishtirok etdi. Dastur doirasida xorijiy mutaxassislar Thom Kiddle, Emma -Jayne Robinson, Lisa Mann, Jamilya Gulyamova va Saida Irgashevalar o‘z mahoratlari va tajribalarini ishtirokchilar bilan bo‘lishdi.

Britaniya Kengashi, O‘zbekiston Respublikasi Oliy ta’lim, fan va innovatsiyalar vazirligi, O‘zbekiston Respublikasi Maktabgacha va maktab ta’limi vazirligi, O‘zbekiston davlat jahon tillari universiteti va Toshkent davlat pedagogika universiteti bilan hamkorlikda tashkil etilgan loyihada 160 nafar ingliz tili o‘qituvchilar malakasini oshirish maqsadida  ishtirok etdi.

Ushbu Xalqaro treningda JDPU Xorijiy tillar fakulteti, Ingliz tili nazariyasi va amaliyoti kafedrasi professor-o‘qituvchilari ishtirok etishmoqda. Eslatib o‘tamiz: loyiha 2024-2025 yillarda O‘zbekistonda ingliz tili o‘qituvchilarini tayyorlash tizimini yanada takomillashtirish, xalqaro standartlarga moslash va samaradorligini oshirishga qaratilgan muhim qadamdir. Milliy ta’lim tizimining rivojlanishida muhim o‘rin egallayotgan mazkur trening 11-yanvarga qadar davom etadi.