Korrupsiyaga qarshi kurashish “Komplaens nazorat” tizimini boshqarish bo‘limi boshlig‘i A.Umrzoqov boshchiligida o‘tkazilgan davra suhbati davomida Ishga qabul qilinayotganida manfaatlar to‘qnashuvi mavjudligi/mavjud emasligi to‘g‘risidagi arizani elektron va qog‘oz ko‘rinishida olish, tahlil qilish, manfaatlar to‘qnashuvi mavjud bo‘lgan taqdirda o‘rnatilgan tartibda choralar ko‘rish, manfaatlar to‘qnashuvi kelib chiqishining oldini olish masalalari muhokama etildi.

Shuningdek, bo‘limga kelib tushgan korrupsiyaga oid murojaatlar bo‘yicha mas’ul xodimlarga xabar berish tizimini ishlab chiqish, korrupsion xavf-xatarlarni baholashda ishtirok etish va boshqa bir qancha masalalar aytib o‘tildi.

Tadbir so‘ngida » Korrupsiyaga oid huquqbuzarlik haqida xabar bergan yoki korrupsiyaga qarshi kurashishga boshqa tarzda ko‘maklashgan shaxslarni rag‘batlantirish tartibi to‘g‘risidagi nizomni tasdiqlash haqida»gi O‘zbekiston Respublikasi Vazirlar Mahkamasining qarori bo‘yicha ham tushunchalar berildi.