Jismoniy tarbiya yo‘nalishida kasbiy(ijodiy) imtihonlar qanday o‘tmoqda.
Jizzax davlat pedagogika universitetiga 2022-2023-o‘quv yili uchun kasbiy (ijodiy) imtihonlar 2022-yil 30-iyuldan 7 avgustgacha bo‘lib o‘tishi belgilangan. Bugun Kasbiy (ijodiy) imtihonlarning yettinchi kuni, Imtihonlar ham oxirlab qoldi. Jadvalga asosan imtihonlarning so‘nggi kunlarida Jismoniy madaniyat (shu jumladan, xotin-qizlar sporti), Sport faoliyati (Voleybol, Kurash), Maktabgacha va boshlang‘ich ta’limda jismoniy tarbiya va sport yo‘nalishlari bo‘yicha imtihonlar bo‘lib o‘tmoqda.Abiturientlarning tirishqoqligi ayniqsa xotin-qizlarimizning aynan shu yo‘nalishlarga hujjat topshrib, harakat qilayotgani bizni quvontiradi. Xabaringiz bor davlatimiz rahbarining sa’y-harakatlari bilan keyingi besh yilda sport ta’limiga munosabat keskin o‘zgardi. Bugun sportdan ta’lim beradigan o‘qituvchilar orasida ayol o‘qituvchilar ham ko‘paymoqda. Bu mamlakatimizda xotin-qizlarning sportga qiziqishi oshayotganidan, joylarda esa ayol sport murabbiylariga ehtiyojning yuqoriligidan dalolat beradi.
Jizzax davlat pedagogika universitetida Ijodiy imtihonlar jarayonidagi ayrim holatlarga to‘xtalib o‘tmasak bo‘lmaydi. Qabul jarayonlariga raqamli texnologiyalarning tatbiq etilishi va ko‘pchilikning “Kattaroq tanishing, yoki puling bo‘lmasa o‘qishga kira olmaysan”, degan tushunchasini, o‘zgartira oldi. Abiturientlar bilan birga kelgan ota –onalar yaqinlar bilan suhbatlashsangiz “Mana nazorat kuchayibdi tanish-bilishchilikka o‘rin qolmabdi”, degan fikrlarni eshitasiz.
Bugun abiturientlar orasida endigina maktabni bitirib kelgan o‘g‘il qizlarimiz qatorida yoshi katta, oilali, farzandli bo‘lishiga qaramasdan, imtihonlarni normativlar asosida topshirishga jon-jahdi bilan intilayotganlarni ham uchratasiz. Intilganga tole yor deyishadi. Jaryonlarda ishtirok etayotgan har bir abiturientga omad tilab qolamiz. Bizni kuzatishda davom eting.
Jizzax davlat pedagogika universiteti axborot xizmati.
